Book Review ∣ فعلًا لأمل الحربي

مرحبـًا

It’s been so long I know

مراجعة سريعة، خفيفة، لطيفة لرواية فعلًا  لأمل الحربي ..

أول ما انتهيت منها جهزت أفكار معينة لكتابة التدوينة بعدين قررت أحولها لبودكاست لكن لعدم توفر المكان المناسب للتسجيل قررت أنهي التسويف اليوم و أنزلها في المدونة

..

الرواية صدرت في عام ٢٠١٨ عن دار مسكيلياني في تونس

و تم إصدار طبعة ثانية في نفس العام

الرواية صارت هي الهبة وهي حديث الناس .. بعضهم تحمس لها لأنهم يتابعون الكاتبة على مواقع التواصل الإجتماعي

و بعضهم -مثلي- تحمس لها من حديث الناس عنها

بالرغم من إني عادة ما أحب إتباع الموجة لأن الناس غالبًا تخيّب ظني في مبالغتهم بحب شيء أو كرهه

لكن لفتني إنها من الروايات اللي مافيه لها اقتباسات كثير فتحمست إن الرواية بتكون مليانة تفاصيل و حكايات

مو مثل بعض الروايات اللي بين الحدث و الثاني نلقى مليون خاطرة وبيت شعر! (وكانت زي ماتخيلتها فعلًا)

..

عمومًا الرواية موجودة في مكتبات كثيرة.. أخذتها من مكتبة جرير وبدأت فيها أول ما ركبت السيارة

..

الرواية قبل لا أقراها سمعت إنها تتكلم عن مرضى ثنائي القطب الوجداني bipolar

معرفتي بهذا المرض المزمن بسيطة جدًا وقاصرة عن فهم أعراضه و آثاره.. لذلك كنت على سبيل المزاح دائمًا أقول ( أنا بايپولار ) خصوصًا لمن أكون معصبة وفجأة أروق..

فتحمست أعرف أكثر عن هذا المرض من خلال الرواية..

..

الرواية ٣٦٢ صفحة و من وجهة نظري لو قلّ الحشو في بعض المواقف و قلّ عدد الصفحات لكانت أجمل و أكمل

أكثر من ٢٠٠ صفحة تتكلم عن رحلتها العلاجية في مصر..

بداية الرواية وصف رائع ،تدخل جو مع منيرة و مواقفها و اضطرابها .. بس بعد كذا يبدأ الكلام يطول و التفاصيل تنعاد بشكل ممل خلال رحلتها في مصر ..

..

من وجهة نظري الرواية ركزت على معاناة المدمنين ومجادلتهم أنفسهم خلال رحلة العلاج أكثر من تركيزها على مرضى ثنائي القطب ..

تمنيت وصف أكثر و أعمق لاضطراب حاملي هـذا المرض وكيف يرون العالم من حولهم و كيف يراهم العالم..

اسلوب الكاتبة سهل و ممتع جدًا .. يعني تخلي القراءة تصوّرية بامتياز..

مره تعجبني الروايات اللي أقدر أرسمها في خيالي .. أحسها تصير ممتعة أكثر ، رواية و فيلم في وقت واحد : )

من جمال الوصف و دقته تحس إن الكاتبة تعرف صاحبة الرواية عن قرب و كانت تاخذ منها تقارير أول بأول . شيء مو طبيعي ماشاء الله

الحكايات اللي صارت لمنيرة و صديقاتها في مصر مؤلمة.. عادي تلقى نفسك تبكي فجأة و تضحك بعدها بدقايق

..

الروايةمكتوبة بالفصحى لكن الحوارات كلها بالعامي، سواء السعودي أو المصري 

حبيت وجوده في بعض المواقف و حسيته تغذية تصوريه مهمه للرواية .. لكن في مواقف أخرى كثير حسيته عامل تشتيت خصوصًا حرف الكاف بتلاحظون إنه يتكرر كثير في الحوارات المصرية كبديل لحرف القاف ..

..

نادرًا جدًا ما نلقى رواية لكاتبة سعودية و تكون فعلًا جميلة ومؤثرة و فيها تسليط ضوء على شريحة في المجتمع ما نعرفهم ولو عرفناهم ننكرهم و نكبت كل رغباتهم في التعبير عن معاناتهم ..

قسّمنا الناس على كيفنا و صرنا نقول عن اللي ما يعجبنا نفسية وقهوة سوداء و دمه ثقيل !!

نبذناهم من بيننا وبعدنا نفسنا عنهم باسم البحث عن الإيجابية والبعد عن السلبية..

لازم الرواية هذي تغيّر فينا ولو شيء واحد على الأقل و هو تقبل الناس باختلافهم..

لازم تغيّر فينا مفهومنا عن الاكتئاب..

الاكتئاب مرض ماهو مود تختارينه..

و لأنه مرض مايجوز إنك تتوهمينه وتوهمين الناس إنه فيك لأن الله بيبتليك فيه و وقتها بتعرفين المرض كيف يكون..

ما عندنا وعي مجتمعي عن أمراض الاكتئاب و أنواعها وكيف نتعامل مع مرضاها أو كيف نتصرف لو بيننا واحد يعاني من اكتئاب ..

حالات انتحار كثيرة تسبب فيها هذا المرض و الانتحار ماهو إلا نتيجة إهمال و انتقاص من المرض ومن الأعراض اللي تكون مصاحبة للمريض ..

..

شكرًا أمل على الـ wakeup call اللي بالنسبة لي هو أهم ما جاء في الرواية..

..

اللي سألوني : هل توصين نقرأ هذي الرواية أقول لكم ( طبعًا)..

#وبس-والله

How to Improve your Academic Writing Skills

كيفية تطوير مهارات الكتابة باللغة الإنجليزية عمومًا .. و الكتابة الأكاديمية خصوصًا.

قبل كم يوم كنت ضيفة في سناب سعوديون في بريطانيا و تكلمنا عن طرق تساعدك في تطوير و تنمية مهارات الكتابة الأكاديمية في اللغة الإنجليزية.

هذا سنابهم : @saudi.uk

و هذي قناتهم في اليوتوب: https://www.youtube.com/channel/UCayR41Y4RBHdWeBpoA0v8PQ

الموضوع يهم الطلاب عمومًا و الموظفين و كل شخص يحتاج يكتب إيميلات و رسائل in a formal way

فهنا بيكون ملخص لكلامنا و مرجع لكم ..

١- اعرفوا الهدف من كتابتكم عن طريق إجابة الأسئلة التالية:

• Who are you writing for?

• What are you trying to achieve?

• What does your reader want?

لأنه كل مشرف أو أستاذ يطلب منك شي معين .. فلازم أول شي تعرف إيش مطلوب منك و على أساسه تبدأ..

٢- خطط لموضوعك ..

الخريطة الذهنية دائمًا هي الحل

ارسم خريطة ذهنية لأفكارك وتفرع من الفكرة العامة للأفكار الجانبية و من كل فكرة طلع كم سهم للأمثلة و الأدلة و الشرح

مثال :

في الخريطة الذهنية أو في تخطيطك عمومًا جاوب على الأسئلة التالية:

• What ideas are you going to include?

• What ideas are you going to leave out?

• How are you going to organize your ideas?

و إنت تجاوب على السؤال الثاني وتقرر إيش الأفكار اللي تبغى تكتبها حط في بالك شيئين مهمين جدًا

• Think about your goal.

• Think about your readers need

٣- رتب أفكارك into clear paragraphs

بمعنى إنه لازم كل برقراف يحتوي على فكرة رئيسية واحدة

هذي الفكرة الرئيسية لا تحاول تحشرها كلها في برقراف واحد هي و أمثلتها و أدلتها و شرحها.. قسم الفكرة إلي ٢-٣ برقرافات حسب عدد الكلمات المطلوب منك

و عمومًا مافي عدد معين من الكلمات لكل برقراف برضه يعتمد حسب المطلوب منك .. هل هو واجب من ٢٠٠ كلمة أو بحث من ٣٠٠٠ كلمة

٤- اختصر 

eat empty words and sentences

قلل عدد الكلمات قد ما تقدر

لا تخلي هاجس الوصول لعدد الكلمات المطلوب يشغلك عن جودة أفكارك و صحة كتابتك

مثلًا  بدال ما تكتب … اكتب:

very tired –> exhausted

As a result –> consequently

could,might may X حاولوا تقللون منها قدر الإمكان لأنها تضعف كتابتكم

advantages and disadvsntages for this –> Two sides to this issue are …

Don’t -I’m –> Do not – I am ( avoid contradiction )

There is +there are X

There are two sides to this issue –> Two sides to this issue …

Exaggerating words: 

Very hard –> difficult

really controversial –> controversial

Passive voice –> active voice

صيغة المبني للمجهول خاصة لو كثرت تضعف مستوى كتابتك لذلك حاول تتفاداها

weak verbs –> strong vers

made and objection –> objected

و هذي النقطة بالتحديد ما نقدر نطورها و نعدلها إلا بتعلم المزيد من الكلمات و زيادة حصيلة الـvocabulary

لأنه استخدام الأفعال الضيعفة عشان نوصل المعنى دليل على ضعف لغتنا و افتقارنا لمعرفة الكلمات المناسبة للتعبير.

٥- ركز على الهدف 

لذلك دائمًا يقولون keep it simple

عشان ما تضيع ولا تضيّع القارئ

ركز على هدفك من الرايتنق و هدفك من البرقراف و هدفك من المثال

لا تطول الجمل .. البعض يحاول يخلي جمله advanced وبالتالي يظيح في فخ الـ run-on

هنا فيه شرح واضح لمعنى الـ run-on

٦- دائمًا خلي عندك كولكشن جاهز من الـphrases +linking words 

احفظهم زي اسمك و علقهم في كل مكان عشان يسهل استخدامهم عليك

هذي أهم الموضوعات اللي تحتاج لها فريزز و كلمات ربط

Compare-contrast- give examples- give your opinion- generalise- express certainty- express partial agreement- show cause- show effect- mark time- add information- express condition- conclude

عندي كلمات جاهزه لكن صدقوني لو بحثتوا عنها و جمعتوها بنفسكم عمركم ما بتنسونها و بتستفيدون أكثر من لو لقيتوها جاهزه

7- Read the right materials

لا تقرأ والسلام! يروح يومك كله و إنت تجمع تجمع في المصادر وما يمديك تقرأ إلا مقالات ما تحتاجها

لذلك مهم جدًا تعرف موضوعك و هدفك من الكتابة و تركز على المصادر اللي تنفعك

شوف الناس اللي كاتبين في نفس موضوعك كيف كتبوا ؟

على إيش ركزوا؟

كيف قسموا الموضوع ؟

كم احتاجوا عينه أو دليل في دراستهم؟

قراءة المقالات أفضل بالنسبة لي من قراءة الكتب لأنها تعلمك كثير و تفيدك

الكتب كمان مهمه وفيها معلومات كثيرة ومن ناس غالبًا لهم خبرة طويلة

٨- تدرب – تدرب -تدرب

ماقدر أقولكم التدرب على الكتابة و ممارسته كيف مهمه جدًا..

مهما قرأتوا موضوعي أو عشرين واحد زيه ما حيكون فيه فايدة أبدًا لو ما كتبتوا بيدكم و بحثتوا وغلطتوا ألف مره لين توصلون للمستوى اللي يرضيكم

التدرب و الممارسة أولًا و أخيرًا هي مفتاح النجاح في كل مهارة

٩- راجع كتابتك

بعد ماتخلص اترك اللاب توب يومين أو ساعتين .. خذ بريك أو سوي أي شي بعيد تمامًا عن الموضوع اللي كتبته

و ارجع بعدها راجع اللي كتبته.. بتلقى أخطاء بسيطة سواءًا نحويه أ إملائية ..لا تعدلها أول بأول .. ظللها بس و كمل عشان لا تقطع حبل أفكارك و بعدين ارجع رتبهم كلهم وصححهم مرة وحده

١٠- اطلب من شخص آخر قراءة عملك

Proofread your work

ممكن ترسله لناس مختصة أو ممكن تعطيه لشخص من معارفك تثق بقوة لغته..

و هذا أبدًا مو دليل إنك ضعيف أو هو أحسن منك! دائمًا نحتاج fresh eyes عشان تقيم عملنا  لأنها بتشوف أشياء إحنا غفلنا عنها تمااااماً ..

أتذكر دكتوري في مرحلة الماجستير لمن انهرت تمامًا من جملة (You are not ready yet for Masters) على أول واجب تجريبي انطلب مننا ،لأني ما راجعته ولا خليت أحد يراجعه، قال لي أنا لمن أكتب بحث أو أسوي دراسة أو حتى أكتب مقالة عادية لازم أخليها كم يوم و أرجع أراجعها و أطلع منها أخطاء كثيرة وبعد ما أخلص أرسلها لزميل لي أنا أراجع له وهو يراجع لي .. وقتها أعتمد العمل و أرسله 

حتى في العمل أول ما بدأت كان شغلي يتطلب مني إني أرسل أقل شي إيميلين يوميًا لناس تتكلم اللغة الإنجليزية بطلاقة و بعضهم الإنجليزية هي لغتهم الأم، فكنت أخاف أكتب شي غلط و دائمًا بعد ما أخلص أطلب من صاحبتي تراجع كتابتي و وقتها أعتمدها 

١١- أخيرًا ..

هنا بعض المراجع و المواقع اللي ممكن تفيدكم بإذن الله

طرق فعالة لتفادي الـ run-on sentences

1- https://academicguides.waldenu.edu/writingcenter/grammar/runonsentences

Academic Phrasebank

1- http://www.tina-freyburg.eu/1/135/resources/document_1053_1.pdf

2- https://www.maailmakeeled.ut.ee/sites/default/files/fl/linking_words_and_phrases.pdf

How to improve your Academic writing skills

1- http://www.proofreadingservices.us/academic-writing/

2- http://sydney.edu.au/stuserv/learning_centre/help/styleStructure/style.shtml

هذا المقال مره مره مره مره لا يفوتكم ممتع جدًا و مفيد جداً جدًا

https://www.enchantingmarketing.com/how-to-improve-writing-skills/

Benden bu Kadar 👋

6 Effective ways to respond to compliments ♠٦ طرق فعالة للرد على المديح

مرحبًا..

New week, new blog

تدوينة اليوم لها قصة طريفه..

كنت إلى فترة قريبه أعاني من عدم قدرتي على الرد على المديح اللي يوصلني سواءًا في العمل أو الجمعات..

لدرجة مره وحده قالتلي : ماشاء الله شعرك طول، حلو عليك الطويل.

من الإحراج قلتلها شكرًا عيونك الطويلة -ــ-

Thank god she was a close friend 

يعني نقدر نقول فترة الحش ما طولت ..

المدح أنا اعتبره هدية من الناس.. فلازم ردة فعلي مع الهدية تكون مناسبة عشان الشخص ما يندم إنه مدحني أو حتى كلمني.. كمان لازم نعزز هذي الصفة الحلوة عند الإنسان اللي قال كلام حلو لغيره و نخليه يكرر هذي الصفة الحسنه مع ناس ثانيين.

فبحط لكم هنا عصارة قراءاتي و تجاربي لأحسن طريقة ممكن الواحد يرد فيها على المديح

١- أول شي لازم تقتنع و تؤمن إنك تستحق كل شي حلو ..

والمديح اللي جاك و حيجيك هو فعلًا إنت.

عشان كذا لا تنحرج و تحس إنه يقال لك ماليس فيك و تحاول تنكر الكلام الحلو قد ما تقدر، بالعكس انبسط بالكلام و استقبله بكل ثقه.

جاك مدح على شكلك لا تقولي : مررره حلو خاصة مع هذي الكرشه!ولا هذي الحبوب.. لا تفتحي عيون الناس على أشياء يمكن مالاحظوها!

أو يمكن ما هي مهمة بقدر أهمية إنه شكلك اليوم حلو..

٢- بقدر ثقتك في نفسك يكون تقبلك لكلام الناس..

بمعنى: لو ثقتك في نفسك قويه راح تستقبلي الكلام بكل حب و تردي بشكل إيجابي جميل

لو ثقتك في نفسك تحتاج تطوير و شغل زيادة، أول ما تسمعي كلام حلو إما حتقلبين الكلام لمزح و استهبال و تضيعين الموضوع

أو حتهاجمين نفسك و تنتقصين منها لأنك حاسه إنك ما تستحقين الكلام الحلو اللي وصلك

أو حتسوين نفسك ما سمعتي أو تنزلين راسك في الأرض..

كل هذي مؤشرات إنك من الداخل منتِ راضيه عن نفسك.

٣- إذا توجه لك مدح أو إطراء لا تهربين منه أبدًا:

أول شي خلي بينك و بين المتحدث eye-contact مع ابتسامه

لغة الجسد تتكلم كثير عشان كذا انتبه تعطي رسالة للمتحدث إنك مو مصدق أو مو واثق

أول ما يخلص كلامه أشكريه على ذوقه و لطفه..

( تسلمين من ذوقك، عيونك الحلوة، بعض مما عندك …إلخ)

أحد مدح لبسك: لا تقولي و الله حق أختي لو تدري إني لابسته!

لا تقولي والله لو تدرين إني ماخذته بعشرين ريال بس

لا تقللين من قيمة الشيء اللي انمدحتي عليه .. يمكن القالب غالب و الشيء ما زان إلا عليك، ليش تخلينهم يتخيلون إنه ممكن يكون أحلى على أحد ثاني، أو إنه مره رخيص و جودته سيئة..

إذا الشخص كمل كلامه إعجابًا بشيء، حلو إنك تشاركينه معلومة عن الشيء اللي عاجبه..

خاصة لو كان لبس أو قطعة إكسسوار.. ممكن تقولين من فين أخذتيها. أو إيش الألوان اللي كانت متوفرة لمن رحتِ للمحل أو كيف كانت تجربتك ..

لكن ابتعدي عن الهياط و الـshow off و هذي القطعة أخذتها بكذا ألف

لو كان الإطراء على تصرف قمتي فيه أو فكرة أبديتيها.. نفس الرد اللي كتبناه فوق

و ممكن بعدها تقترحي كتاب قرأتيه ساعدك في هذا الموضوع..

٤- لا تردي على الإطراء بإطراء مباشر ..

They won’t buy it.

حتى لو فعلًا كلامك صحيح غالبًا لن يُصدّق، لأنهم قدامك من أول وما قلتِ شي..

بس بطريقة غير مباشرة أمدحي شي في الشخص اللي يثني عليك و إنت تشكرينه..

٥- وصلك المديح مكتوب في أي تطبيق؟ ..

تجنبي الرد بإيموجي واحد أو مجموعة إيموجيز ، حتى لو كانت قلوب من كل الألوان

الشخص اللي أخذ من وقته لو دقيقة عشان يكتب لك شي حلو و يخلق سعادة في يومك يستحق إنك تردي عليه بطريقة تليق فيك .. تبين مدى تقديرك لتصرف زي كذا

لو حتى تكتبين كلمة.. أهم شي لا تردي بوجوه تعبيري، لأنها بتحسس الشخص إنك مريتِ على كلامه بسرعه وما فرق معاك اللي كتبه، صدقيني حتكون آخر مره يكتب لك

٦- إذا مدحتي شخص لا تبالغين.

أولًا لأنه مع الوقت بيبطل يصدقك

و ثانيًا لأنك منتِ مضطرة تجاملي أحد بشيء مو موجود فيه..

يقول جورج وسوف: كلام الناس لا بيقدم ولا يأخر .. كلام الناس ملامه وحيره مش أكتر.. عشان كذا لا تغتري بكل شي يوصلك..انبسطي ما قلنا شي، بس انتبهي يخدعك كلام الناس و تتعودين عليه و تدمنينه.. لأنك مع الوقت بتلقين نفسك أسيرة لمدحهم، ما بيكمل يومك بدون محد يمدح لك شيء، ولا بتحسين بالرضا إلا لو الناس رضت عليك ولا بتقتنعين إنك أنجزتي إلا لو هم اقتنعوا أول .

لا إفراط ولا تفريط

حكوني تجاربكم مع المديح و كيف تردوا على الكلام الحلو؟

و من باب إنه الكلمة الطيبة صدقة، متى آخر مرة قلتوا كلمة طيبة لشخص و رفعتوا معنوياته؟

شكرًا لكم و موعدنا الأسبوع الجاي بإذن الله