ARTICALS

١٠ طرق و أسباب لقضاء بعض الوقت “مع نفسك”

مرحبـا..

الإنسان إجتماعي بطبعه . يحب الناس و الحديث معهم و الخروج برفقتهم

هناك مثل تركي يقول: Yanlızlık Allah’a mahsustur

و تعني أن الوحده لله فقط لأنه الواحد الأحد

..

مقالتي اليوم هنا ليست عن الوحده ولا الإنطوائية ولا البعد عن الناس .. هي عن ساعة واحده في اليوم يختلي بها المرء بنفسه

ساعة واحدة فقط متصلة أو مقسمه تخصصها لك وحدك دون مشاركة أي شخص آخر

في هذا الزمن و مع التطور الرهيب الذي نشهده فإن الإلكترونيات أصبحت من الممنوعات في هذه الساعة لأنها أهم وسيلة للتواصل مع الناس..

..

لماذا نختلي بأنفسنا ؟ وما هي الفائدة من ذلك!

جمعت لكم عدة أسباب و فوائد لقضاء المرء وقتًا بمفرده

١- لزيادة معدل الوعي

الاختلاط بالناس و ازدحام يومك حولهم يقلل لديك نسبة الوعي لبعض تصرفاتك و يقلل لديك نسبة تقدير بعض الأمور التي تقوم بها “تقدير أهمية أو تقدير متعة أو تقدير خشوع” لذلك من المهم الانفراد بالنفس خلال اليوم لممارسة التأمل و لتنظيم الأفكار و ترتيبها

٢- تخصيص وقت خاص بك فقط

و معنى هذا أن يكون هذا الوقت مسخر لك وحدك .. لا لأبنائك ولا لأهلك ولا لعملك .. لك أنت فقط ولك الحق في أن تفعل فيه ما تشاء ( حتى لو رغبت بقضاءه في تأمل سقف غرفتك)

٣- مواجهة

في الخلوه فرصة لمواجهة نفسك .. محاسبتها ..تقييمها… مكافأتها

لأن الإجتماعية الزائدة نوع من أنواع الهروب من مواجهة بعض المشكلات أو الأخطاء

٤- التحكم بالأمور

في الوحدة تستطيع العودة للإمساك بزمام الأمور التي قد تكون قد فلتت منك أثناء إنشغالك ..أو أثناء مسايرتك لرغبات الجماعة .. مثال على ذلك ؛ رغبة المجموعة في الأكل الغير صحي لأكثر من مرة في اليوم .. أو رغبتهم في السهر كل الليل و النوم كل النهار ..

لن تستطيع تقييم الموضوع و الانتباه له دون أن تبتعد قليلًا و تنفرد لترى بوضوح

٥- زيادة الإبداع

في الخلوة بالنفس فرصة لزيادة الإبداع و توليد الأفكار .. فكثير من الأفكار الإبداعية نشأت “أجلّكم الله ” خلال قضاء الحاجة في دورة المياة

لهذا تم اختراع العديد من المذكرات التي يمكن استعمالها خلال الاستحمام لكتابة أي فكرة تراودك في حينها

و العديد من الأفكار و الحلول قد تطرأ لنا و نحن نصلي .. لأن الخلوة وقت الصلاة تصفي الذهن .. و تغير حتى عملية عمل الدماغ .. و الصلاة بخشوع لها أثر كبير و جميل على الجسم و النفس

لذلك توارد الخواطر و الأفكار أثناء الصلاة يعني أن صلاتنا خشوعها قليل و لم تغير شيء فينا ..

تابعوا هذا المقطع المختصر من إحدى حلقات خواطر عن تجربة الصلاة بخشوع

٦- استمتع بصحبتك

من المهم أن تجد المتعة بصحبة نفسك .. أن تحب مرافقتها و الجلوس معها و الاستماع لأفكارها و الإستئناس برأيها

قد يشفق البعض حين يرون شخصًا يجلس وحيدًا في المقهى بصحبة كتاب أو هاتف أو حتى كوب قهوة ..! إن كنت منهم ففكر مرة أخرى

فالخلوة حتى في الخروج لبعض المشاوير أو تجربة الأمور الجيدة أمر رائع و يجدر بالجميع تجربته و الحرص على عدم إدمانه

(خلال فترة ابتعاثي أُجبِرت في أول شهرين على مصاحبتي و الخروج وحيدة لكثير من الأماكن .. هذه الخلوة أعطتي فرصة لمعرفة بعض عيوبي و العمل على تحسينها )

٧- إنجاز

عندما تختلي بنفسك و خصوصًا عندما تبتعد عن الإلكترونيات ستستطيع إنجاز الكثير.. لأن البقاء مع العائلة مثلًا في غرفة المعيشة طوال اليوم لا يحقق لك الكثير من الإنجاز ولا الانتهاء من أعمالك المتراكمة .. “لا إفراط ولا تفريط” !

٨- فرصة لإعادة الشحن

عندما تشعر بالضيق أو الحزن أختلي بنفسك و اعرف أسباب هذا الضيق و خذ وقتك في البكاء أو الكتابة أو التعبير عن هذا الضيق بعيدًا عن أهلك و أحبابك الذين من المحتمل أن تجرحهم كلمة غير مقصودة منك أو تصرف في حال بقائك بينهم و أنت منزعج ..

١٠-٢٠ دقيقة كفيلة بإعادة شحن طاقتك لمواصلة اليوم

٩- فرصة لعمل “كل ما تريد”

لا أحد هنا للحكم عليك أو لنقدك

ارقص.. ابكِ.. اضحك بلا سبب

شاهد الفيلم الذي يراه الجميع طفولي

اقرأ الكتاب الذي قرأته خمس مرات سابقًا

و افعل كل مالا تستطيع فعله بين الناس لأي سببٍ كان

١٠- خصوصية

مهما كنت قريب من أهلك (زوجتك/زوجتك/أخواتك/أبنائك) من المهم أن يكون خصوصية و وقت خاص فيك يحترمه الجميع و يحق لك استخدامه بالطريقة التي تتماشى مع احتياجك في ذلك الوقت .. سواءًا رغبت بقضاءه داخل البيت أو خارجه ..

و تأكد ؛ عدم تركك لمشاعرك و فوضى أحاسيسك و أعمالك تتراكم بداخلك و فوق مكتبك و بين طيات تطبيقات هاتفك تجنبك الكثير من الانهيارات و الأزمات النفسية التي يسببها الإنفجار الناتج عن الضغط الإجتماعي طوال الوقت

.

.

و الآن السؤال لكم : كم تحتاجون من الوقت لخلوتكم؟ وماذا تفضلون العمل فيها؟

الإعلانات
Uncategorized

Spanish 101

طالباتي الحبيبات ..

السلام عليكم ورحمة الله وبركاته

أولًا أشكركم على حماسكم و رغبتكم الجميلة في التعلم و الفائدة ..

أشكر الثمانين طالبة اللي حضروا معايه من أول كلاس و أخص بالشكر متقدات الحماس اللي كملوا للآخر و أقولهم بالتوفيق يارب في الاختبار ..

هنا بتلاقون عرض الشرائح اللي كنا نشتغل عليه أحيانًا في الكلاس ..

و لو عندكم أي استفسار اسألوني ..

اختبارنا بإذن الله:

يوم: الإثنين ٨.إبريل.٢٠١٩

المكان: غرفة ١٠٣ مبنى٣

و الاختبار بإذن الله كله اختيار من متعدد Multiple choice

و بالتوفيق للجميع

iBuena Suerte!

Book Review

Book Review ∣ فعلًا لأمل الحربي

مرحبـًا

It’s been so long I know

مراجعة سريعة، خفيفة، لطيفة لرواية فعلًا  لأمل الحربي ..

39313033._UY985_SS985_

أول ما انتهيت منها جهزت أفكار معينة لكتابة التدوينة بعدين قررت أحولها لبودكاست لكن لعدم توفر المكان المناسب للتسجيل قررت أنهي التسويف اليوم و أنزلها في المدونة

..

الرواية صدرت في عام ٢٠١٨ عن دار مسكيلياني في تونس

و تم إصدار طبعة ثانية في نفس العام

الرواية صارت هي الهبة وهي حديث الناس .. بعضهم تحمس لها لأنهم يتابعون الكاتبة على مواقع التواصل الإجتماعي

و بعضهم -مثلي- تحمس لها من حديث الناس عنها

بالرغم من إني عادة ما أحب إتباع الموجة لأن الناس غالبًا تخيّب ظني في مبالغتهم بحب شيء أو كرهه

لكن لفتني إنها من الروايات اللي مافيه لها اقتباسات كثير فتحمست إن الرواية بتكون مليانة تفاصيل و حكايات

مو مثل بعض الروايات اللي بين الحدث و الثاني نلقى مليون خاطرة وبيت شعر! (وكانت زي ماتخيلتها فعلًا)

..

عمومًا الرواية موجودة في مكتبات كثيرة.. أخذتها من مكتبة جرير وبدأت فيها أول ما ركبت السيارة

..

الرواية قبل لا أقراها سمعت إنها تتكلم عن مرضى ثنائي القطب الوجداني bipolar

معرفتي بهذا المرض المزمن بسيطة جدًا وقاصرة عن فهم أعراضه و آثاره.. لذلك كنت على سبيل المزاح دائمًا أقول ( أنا بايپولار ) خصوصًا لمن أكون معصبة وفجأة أروق..

فتحمست أعرف أكثر عن هذا المرض من خلال الرواية..

..

الرواية ٣٦٢ صفحة و من وجهة نظري لو قلّ الحشو في بعض المواقف و قلّ عدد الصفحات لكانت أجمل و أكمل

أكثر من ٢٠٠ صفحة تتكلم عن رحلتها العلاجية في مصر..

بداية الرواية وصف رائع ،تدخل جو مع منيرة و مواقفها و اضطرابها .. بس بعد كذا يبدأ الكلام يطول و التفاصيل تنعاد بشكل ممل خلال رحلتها في مصر ..

..

من وجهة نظري الرواية ركزت على معاناة المدمنين ومجادلتهم أنفسهم خلال رحلة العلاج أكثر من تركيزها على مرضى ثنائي القطب ..

تمنيت وصف أكثر و أعمق لاضطراب حاملي هـذا المرض وكيف يرون العالم من حولهم و كيف يراهم العالم..

اسلوب الكاتبة سهل و ممتع جدًا .. يعني تخلي القراءة تصوّرية بامتياز..

مره تعجبني الروايات اللي أقدر أرسمها في خيالي .. أحسها تصير ممتعة أكثر ، رواية و فيلم في وقت واحد : )

من جمال الوصف و دقته تحس إن الكاتبة تعرف صاحبة الرواية عن قرب و كانت تاخذ منها تقارير أول بأول . شيء مو طبيعي ماشاء الله

الحكايات اللي صارت لمنيرة و صديقاتها في مصر مؤلمة.. عادي تلقى نفسك تبكي فجأة و تضحك بعدها بدقايق

..

الروايةمكتوبة بالفصحى لكن الحوارات كلها بالعامي، سواء السعودي أو المصري 

حبيت وجوده في بعض المواقف و حسيته تغذية تصوريه مهمه للرواية .. لكن في مواقف أخرى كثير حسيته عامل تشتيت خصوصًا حرف الكاف بتلاحظون إنه يتكرر كثير في الحوارات المصرية كبديل لحرف القاف ..

..

نادرًا جدًا ما نلقى رواية لكاتبة سعودية و تكون فعلًا جميلة ومؤثرة و فيها تسليط ضوء على شريحة في المجتمع ما نعرفهم ولو عرفناهم ننكرهم و نكبت كل رغباتهم في التعبير عن معاناتهم ..

قسّمنا الناس على كيفنا و صرنا نقول عن اللي ما يعجبنا نفسية وقهوة سوداء و دمه ثقيل !!

نبذناهم من بيننا وبعدنا نفسنا عنهم باسم البحث عن الإيجابية والبعد عن السلبية..

لازم الرواية هذي تغيّر فينا ولو شيء واحد على الأقل و هو تقبل الناس باختلافهم..

لازم تغيّر فينا مفهومنا عن الاكتئاب..

الاكتئاب مرض ماهو مود تختارينه..

و لأنه مرض مايجوز إنك تتوهمينه وتوهمين الناس إنه فيك لأن الله بيبتليك فيه و وقتها بتعرفين المرض كيف يكون..

ما عندنا وعي مجتمعي عن أمراض الاكتئاب و أنواعها وكيف نتعامل مع مرضاها أو كيف نتصرف لو بيننا واحد يعاني من اكتئاب ..

حالات انتحار كثيرة تسبب فيها هذا المرض و الانتحار ماهو إلا نتيجة إهمال و انتقاص من المرض ومن الأعراض اللي تكون مصاحبة للمريض ..

..

شكرًا أمل على الـ wakeup call اللي بالنسبة لي هو أهم ما جاء في الرواية..

..

اللي سألوني : هل توصين نقرأ هذي الرواية أقول لكم ( طبعًا)..

#وبس-والله

ARTICALS

رمضان الذي أحب

رمضان كريم و كل سنه و انتوا طيبين..

أكيد قلتها لكم من بدري في تطبيقات مختلفة ..

بس كل شيء هنا له طعم خاص

..

عندي مواضيع كثيرة جدًا للمدونة.. لكني اليوم اخترت إني أكتب عن شهر رمضان

timthumb.php

شهر رمضان اللي أعرفه أنا و أحبه و استمتع بكل تفاصيله بلا استثناء

رمضان اللي مافيه مبالغة ولا تقصير

..

بالنسبه لي شهر رمضان هو شهر Detox

شهر التخلص من كل السموم

سموم الجسم و سموم الروح والأخلاق و العادات

شهر الطهارة و التطهر بكل ما للكلمة من معنى

.

ما يحتاج المسلم في هذا الشهر إنه يبحث عن جدول يضعه غيره عشان يمشي عليه

ولا يحتاج يمشي على عدد معين من الصفحات في القرآن زي ما يسوي فلان أو زي ما قال له علان

.

أحب في رمضان إنه شهر اكتشاف النفس

أجلس مع نفسك واكتشفها و شوف إنت مقبل على إيش في حياتك ؟ وإيش تسوي حاليًا ؟ إيش منغصاتك في هذه الدنيا؟ هل قدرت تتجاوزها؟

هل إنت سعيد؟ هل راضي بعلاقاتك مع الناس حولك؟ هل تحب ما أنت عليه ماديًا ومعنويًا و اجتماعيًا؟

.

بعدين اسأل نفسك؟

كيف علاقتك مع الله؟ -تذكر هذي اسئلة خاصة جدًا منك و لك فقط- هل أنت قريب من الله؟

إيش العبادة الخفية اللي تتقرب بها إلى الله في شدائدك؟

تقوم لله تصلي؟ تتصدق؟ تكثر استغفار و حوقله؟ تصنع معروف لأحد؟ أو تسوي شي ثاني؟

.

بعدها شوف روتينك اليومي في غير رمضان..

و حاول تتخلص من كل الأشياء اللي تتسبب لك بالذنوب

لأن الهدف في رمضان زيادة الحسنات و التقرب من الله أكثر.. مانبغى ذنوب تعيق طريقنا

لمن نشيل بعض العادات اللي كنا نسويها في غير رمضان بيصير عندنا وقت فراغ كبير

هنا لازم نبدأ نمليه بأشياء ثانيه نشغل فيها وقتنا في رمضان

.

  • استغلال الوقت:

ما أعرف ليش الناس تقول رمضان ما فيه بركه! و الوقت ما نحس فيه و ما يمدينا ننجز شي!

بالعكس من وجهة نظري رمضان كله بركه.. كل شي فيه مبارك

إحنا في رمضان ننام أقل من الأيام العادية.. تقريبًا متوسط ساعات النوم ٦ ساعات..

يعني عندنا ساعات أكثر نقدر نستغلها..

.

بتكلم لكم عن الأشياء اللي أسويها في رمضان غير الصلاة و قراءة القرآن:

١- تكلمت قبل عن مبدأ الإعتدال minimalism ..

شهر رمضان يكون فيه التنظيف السنوي لكل شيء .. كل كم يوم أمسك قسم و أرتبه و أشيل الزايد أتخلص منه

دولاب الملابس يوم و أكثر..التسريحة و الصناديق و المكتب و المكتبة و كل شيء عندي أرتبه ..

هذي المهمة مره تاخذ وقت طويل ..

بالنسبه للبنات ممكن كمان تساعدون أخوانكم إذا حسيتوا غرفتهم تحتاج ترتيب ، لأنهم غالبًا بيفشلون لحالهم..

٢- أشوف الكتب اللي لها فترة في القائمة تنتظر و أبدأ اقرأ واحد أو اثنين منها وأحاول أختار الكتب اللي لها علاقه بالتاريخ أوزمن النبي محمد صلى الله عليه وسلم أو الفتوحات.. شي يعزز لقيمة الشهر و روحانيته.. ما أحب اقرأ روايات مثلًا  أو نصوص شعرية

هذي بعض الكتب اللي ممكن تعجبكم:

مذكرات صائم لأحمد بهجت

مع النبي صلى الله عليه وسلم (قس بن ساعده)

رجال حول النبي صلى الله عليه وسلم

لا تسقني وحدي سعد مكاوي

وحوي ياوحوي -رمضان صور و حكايات- ياسر قطامش..

٣- أجلس مع أهلي -ماما و بابا خصوصًا- طول ماهم فاضيين وجالسين.. أساعدهم وألبي لهم كل شي يحتاجونه لو إن شاء الله كاسة مويه أو منديل من الطاولة.. قربهم بركه

٤- أخطط للإجازة..

٥- أقرأ أكثر عن الموضوعات اللي بدوّن عنها قريب عشان ترتقي التدوينه لعلمكم واطلاعكم

.

دائمًا يحتاج الإنسان إلى ١٤ يوم لترك عادة و ١٤ يوم أخرى لبناء عادة جديدة.. لذلك شهر رمضان فرصة للتخلص من العادات اللي مضايقتنا مهما كانت صغيرة أو كبيرة ..

.

و لازم نتذكر إنه مافيه شيء يجي بسهوله و بدون تعب.. خصوصآ فيما يتعلق بترك العادات السيئة.. الموضوع يحتاج صبر/جهاد/قوة تحمل/ عزيمة/ وقبل كل هذا الإستعانة بالله ..

.

العناية بالجسم:

أكل رمضان للأسف أغلبه مو صحي و يكون إما مقلي أو مليان سكر!

حاولوا هذا الشهر تقطعون أو تخففون من المقالي و السكريات..

يعني لا تحرمون نفسكم بس من كل شيء خذوا القليل جدًا

كثروا سلطة عشان تملي معدتكم..

اشربوا مويه قد ماتقدرون عشان تعوضون جسمكم و تساعدونه يتنظف..

بالنسبه للبنات: مو لازم تنتظرين العشر الأواخر أو ليلة العيد عشان تهتمون بجسمكم و شعركم وتنظيفاتكم ..

خلوا شهر رمضان بداية لعادات جديدة من العناية بالجسم و الوجه و الشعر ..

كلوا أكل صحي .. جربوا ماسكات جديدة.. سووا مقشرات للجسم و الوجه.. ابعدوا عن المستحضرات الكيميائية ومعالجات الشعر و اعطوا شعركم فرصه يتحسن و يتنفس ..

و بعد رمضان.. استمروا لو سمحتوا، الناس بتشوفكم طول السنه مو بس فالعيد

و الجمال و النضارة هي تراكمات عناية مستمرة مو عناية يوم أو اسبوع!.

المشي على السير تكفير ذنب لكل تخبيص الفطور.. امشوا لو نص ساعه و اسمعوا بودكاستات مفيده و ممتعة

..

Side note:

  • استشعروا جمال رمضان و أي شخص يقلل من عباداتكم أو يقول لكم لا مو كذا لازم كذا .. أو صليت قليل أو قرأت قليل، ابعدوا عنه

إذا شايفين إنكم تحاولون جاهدين و إن القليل اللي تقدمونه طالع من قلبكم، اسألوا الله الثبات و الدوام..

فخير العبادات أدومها و إن قلّ..

  • زاحموا معاصيكم بالذكر و الصدقة والقرآن

  • لا يكون همكم الأكل و إيش نطبخ بكره و إيش آكل قبل الفجر وقد إيش أشرب.. (بحسب ابن آدم لقيمات يقمن صلبه)مو يخلونه سمين و زايد وزنه

  • تدبروا آيات القرآن .. صحيح مو كل آيه نقدر نتدبرها أو حتى نفهم معناها.. بس البحث في كتب و مواقع التفسير ممتع جدًا .. البحث عن المعلومة عمومًا يخليها تثبت في بالك أكثر من لمن تقرأها في مكان ما!

593239b02100001500aa2229

  • عَنْ أَبِي هُرَيْرَةَ  ، أَنَّ النَّبِيَّ صَلَّى اللَّهُ عَلَيْهِ وَسَلَّمَ , قَالَ : ” رُبَّ صَائِمٍ لَيْسَ لَهُ حَظٌّ مِنْ صَوْمِهِ إِلَّا الْجُوعُ وَالْعَطَشُ ، وَرُبَّ قَائِمٍ لَيْسَ لَهُ حَظٌّ مِنْ قِيَامِهِ إِلَّا السَّهَرُ وَالنَّصَبُ ” 

لذلك لا تضيعون صيامكم بالغيبه و النميمة أو حتى بالسخريه من أحد!.. صوموا عن هذي الأمور و اقطعوا عادة التكلم عن الآخرين من وراهم وتوقفوا عن الاستهزاء بخلقة الله ولون الشخص نسبه و أصله!

.

تخونني الكلمات في التعبير عن جمال رمضان و روحانيته و كيف يغير الإنسان للأفضل بكل شيء فيه إن فهمنا الغاية منه ..

 

حكوني و غششوني إيش عندكم عادات حلوه في رمضان ؟؟ 

تقبل الله منا و منكم صالح الأعمال و أعاننا في هذا الشهر على الصيام و القيام..

و نشوفكم في تدوينه أخرى بإذن الله..

ARTICALS, Self Improvement

10 ways to enjoy laziness Ι ١٠ نقاط لنستمتع بالكسل ثم نتخلص منه

Adios!

هذي التدوينة بالضبط على محتواها.. لها تقريبًا ١٠ أيام مكتوبة و كل يوم أقول بكرة بكتبها .. اليوم بكتبها.. في الطريق للدوام بخلصها

بعدين قررت أخليها تدوينة صوتيه و سجلت نصها و انشغلت

لكن اليوم لمن رجعت قريتها عرفت إيش الحل معاها وكيف أكتبها و أنشرها بدون كسل ولا تسويف!

img

.

قبل فترة جاتني حالة كسل من زمان مره ما عشتها..

بس أبغى أنسدح و آكل و أتفرج نت فلكس

بس طول هذي الفترة كان عندي تأنيب ضمير عالي .. و أقول أكيد بدال هذا الوقت اللي ضاع كان يمديني أنجز أشياء مفيدة لي أو لغيري..

و بعد اسبوع كامل من الكسل الشديييييد قررت أتكلم عن هذا الموضوع و أحط لكم حلول تساعدنا في هذي الفترة:

  • هل خطأ إننا نحس بالكسل؟
  • كيف نتخلص منه؟
  • كيف نستمتع فيه؟

 

الكسل طبيعي جدًا لنا كبشر .. بالنهاية إحنا مو مكاين ولا روبوت يمشي على روتين واحد كل يوم و كل اسبوع بدون تغيير

إلا ما يجينا وقت و نحس إنه طاقتنا مخلصة و تحتاج refill

بالعكس فيه ناس تخصص يوم كامل تسميه lazy day و تخطط له من بدري و تستمتع بكل ثانيه فيه

 

عشان كذا:

١- مره عادي تحس بالكسل وتحس إنه مالك مزاج تسوي أي شي ..

لو جاك هذا الإحساس ، انبسط فيه و حلله لآخر قطرة

لكن حاول إنك ما تخليه يطول ..أعطي نفسك إجازه روحيه و جسديه و نفسيه و عقلية لمدة كم يوم

٢- الحافز لإنجاز الأشياء يجي و يروح

لازم تلتزم بإنجاز المهمات حتى لو اختفت المحفزات

٣- Remember your why?

دائمًا تذكروا هدفكم من كل شي تسوونه في حياتكم..

ليش أدرس؟ ليش أشتغل؟ ليش عندي مدونة؟ ليش كل يوم أصحى الصباح؟

كل يوم خصصوا أول خمسة دقايق من يومكم تتذكرون فيها أهدافكم.. اليومية و الشهرية و حتى أهدافكم فالحياة عمومًا

٤- لا تنتظر التحفيز من أحد

أهلك مديرك زملائك في العمل أصحابك

محد منهم ملزم إنه يتابعك و يشوف متى تجيك حالة الكسل و الخمول عشان يحمسك!

lazy

٥- اكتبوا قائمة بالمهام

لمن يكون قدامكم قائمة بالأشياء اللي لازم تنجزونها اليوم.. بتكون نسبة إنجازكم لها أكبر من لو خليتوها فبالكم

لأنه غالبًا الكسل هو أول دافع للتسويف .. فكل ما تفكر إنه باقي لك كذا و كذا تقول خلاص بكره أسويها

لدرجة ممكن يكون شي لازم يكون جاهز لدوامك بكره.. تقول خلاص أصحى بدري و أسويه!

لذلك دائمًا اكتبوا قائمة بالمهام و خلوها في مكان واضح.. get it out of your mind and write it

الأمر الثاني بالنسبة للقائمة: حاولوا دائمًا تبسطون المهمات و تصغرونها قد ما تقدرون

بدل ما تكتبين: أنظف غرفتي..

اكتبي:

  • أغير شرشف السرير
  • أكنس الغرفة
  • أمسح التسريحة
  • أرتب المكياج

تقسيم المهمات يخليها في عقلنا سهلة و ممكن ننجز بعضها .. و أول ما نبدأ بنلقى مع الوقت إننا خلصناها كلها

أصلًا لمن ننجز كل مهمة و نحط صح جنبها نحس بطاقة عجيبة حتى لو كانت مهمة صغيرة

و هذي طريقة معروفة بـ

How to eat an elephant

و طبعًا الجواب يكون بتقسيم المهمات أو الفيل لقطع صغيرة

و لمن تكتبون قائمة المهام دائمًا افصلوا بين المهام المهمة و الغير مهمة

واجب تسليمه بكره ينحط في أول اللست

ترتيب المكياج ينحط في آخرها لأنه لو ما صار اليوم مو آخر الدنيا

آخر شي بالنسبة لقائمة المهام و التخطيط تذكروا :

If you fail to plan, you plan to fail

٦- جربوا تقنية بومودورو

هذي تقنية طورها الإيطالي فرانسيسكو تشيريللو

و طريقتها إنك تحط لنفسك تايمر لمهمة ما .. مثلًا عندك واجب من ٢٠٠ كلمة

أول شي حط لنفسك ٨ دقايق تبحث عن الموضوع و تجمع أفكار و أول ما يرن المنبه أو يخلص التايمر لازم توقف و تاخذ بريك ٤ دقايق مثلًا و بعدها ترجع تكمل

المره اللي بعدها تطول وقت العمل و تقلل وقت البريك و هكذا

مع الوقت مخك بيتعود على إنه فيه راحه وبريك بعد فترة بسيطة من العمل فبيتحمس يبدع و يكمل معاك..

كثير ناس ناسبتهم هذي الطريقة لكن أنا لمن جربتها لقيت إني أول ما أدخل جو في العمل ما أهتم للمنبه.. أقفله و أكمل لأني أخاف ينقطع حبل أفكاري وصعب أرجعه بعدين

بس جربوها يمكن تناسب الجزء المسوف/الكسلان عندكم

bb6969d15753bfaeebdfa35169b07c89

٧- ابعدوا عن التواصل

سواء في مواقع التواصل أو التواصل الشخصي مع الناس

هذي فترة الخمول و الكسل ظاهرها يمكن مزعج لكنها في الحقيقة فيها شحن طاقة و تجديد نفسيه.. إنت تحتاج كل فترة تجلس لحالك

مو لازم تكون تتفرج أو تقرا.. أحياناً بس تبغى تنسدح و تتنح في السقف بدون أي هدف

و هذي الطريقة أبدًا ماهي تضييع وقت .. تفيدني جدًا و أحيانًا لمن يوصل عقلي و جسمي لحالة هدوء واسترخاء كامل تبدأ الأفكار الحلوة تجيني ..

1473955746235

٨- You are not superwomen/supermen

مو كل شي تقدرون تنجزونه في نفس الوقت و نفس اليوم ..

عادي تطلبون مساعدة من الناس اللي حولكم..

لمن تتوزع المهمات و تخفف على نفسك .. بتقل حالات الخمول و الكسل اللي تجيك

٩- Apply the 3 seconds rule:

بمعنى إذا قررت تسوي شي ، خلال ثلاث ثواني قوم و ابدأ فيه..

لأنه لمن تجلس تفكر فيه بزيادة بيبدأ يدخلك الكسل و التسويف

لكن لو خلال ثلاث ثواني قمت و بدأت .. مستحيل توقف في النص و تقول خلاص ما بكمل

إلا في حالة زارتك أم العبيد هههههههههههههههههههه

١٠- الدعاء .. الدعاء.. الدعاء

هذا كان لازم يكون في أول القائمة لأنه ممكن يغنيك عن كل التسعة نقاط اللي كتبتها

دائمًا رددوا أذكار الصباح و المساء من قلب

“كان رسول الله صلى الله عليه وسلم إذا أمسى قال: أمسينا وأمسى الملك لله، والحمد لله، لا إله إلا الله، وحده لا شريك له، اللهم إني أسألك من خير هذه الليلة وخير ما فيها، وأعوذ بك من شرها وشر ما فيها، اللهم إني أعوذ بك من الكسل والهرم وسوء الكبر وفتنة الدنيا وعذاب القبر”

و فيه أدعية كثيرة ثانيه:

فعن أنس بن مالك ـ رضي الله عنه: أنه كان يسمع النبي صل الله عليه وسلم كثيرا، يقول: اللهم إني أعوذ بك من الهم والحزن، والعجز والكسل، والبخل والجبن وضَلَعِ الدين وغلبة الرجال. رواه البخاري ومسلم.

وعن ابن عابس الجهني أن رسول الله صلى الله عليه وسلم قال له: يا ابن عابس، ألا أخبرك بأفضل ما يتعوذ به المتعوذون؟ قال: بلى يا رسول الله، قال: قل أعوذ برب الفلق ـ وقل أعوذ برب الناس ـ هاتين السورتين. رواه النسائي وأحمد، وصححه الألباني.

المعوذات نقرأها بنية الإستعاذة من أي شيء نخافه و نحذر منه و منها الكسل و الخمول

..

فتٌّكوا بعافيه

Self Improvement

30 things I learned in my 30..٣٠ درس تعلمته قبل سن الثلاثين

images-7.jpeg

ثواني و أودع العشرينات و أدخل عالم الثلاثينات من أوسع أبوابه..

and I got to say I have mixed emotions about that

إحساس حلو إني كبرت و وصلت لهذا العمر بس فنفس الوقت عندي أسئلة لنفسي كثير خايفه أقراها ..ببساطة لأني خايفة مايكون عندي جواب أو يكون جوابي مو حلو

giphy

و كمان شي ثاني: يمكن عشان طبع الإناث دائمًا القلق على جمالهم ومظهرهم، فزيادة العمر ترعبنا و تخلينا نفكر إنه أووه خلاص كبرنا بتطلع التجاعيد أو بتبدأ أوجاع الركبة ونصلي على كرسي <بالغت هههههههههه

لكن لمن أشوف blake lively وأعرف إنها أكبر مني أتطمن على نفسي 

و لمن أشوف ميريل ستريب و صحتها برضه أتطمن 

و يزيد إيماني إن الشباب و الجمال و الصحه مالهم علاقة بالعمر، طول ما الإنسان روحه حلوه و يهتم بنفسه بيصعب على الناس إنهم يخمنون عمره

أوكي بما إني واسيت نفسي كفايه .. خلينا نبدأ في الثلاثين درس أو نصيحة أو اكتشاف اللي تعملتهم في الثلاثين سنه من عمري..

.

5cfe452a8277ee1f2cdcc7688028b61b

١-مو كل الناس بتحبك

لا تخلي الموضوع هاجس أو هدف بالنسبه لك.. الأرواح جنود مجندة ماتنافر منها اختلف 

و فيه ناس ما يعجبها العجب.. كل مره بتطلع لك عيب و انتقاد 

هذا مو عيب فيك ، فبطل تستنى رضا كل الناس على حياتك و تصرفاتك و قرارتك

٢- الفشل هو بداية النجاح

في كل حياتك بتمر بمراحل.. كل مرحلة فيها هبوط و ارتفاع

أحيانًا تحس إنك بعييييد جدًا وما بتوصل و فيه كثير غيرك قربوا من النهاية

تحاول و تغلط وتحاول و تفشل بس بعدها بتنطلق صح و بتوصل بإذن الله

كل موقف في حياتي فشلت فيه وما استسلمت بعد توفيق الله كملته بنجاح إذا مو بتميز 

٣- لكل مرحلة ناسها .. بس في ناس للعمر كله

آمنت إنه كل مرحلة من حياتنا لها ناسها و معارفها 

مو مصلحة ولا نفاق بس الظروف كلها تسخركم لبعض في ذاك الوقت

مو شرط تجمعكم وظيفة أو دراسة.. بس وقت ماتنتهي المرحلة بيروحون و يجون ناس غيرهم

مو شرط إننا نقطعهم أو ننتهي بزعل.. بس بشكل غريب كل شي يخف تدريجيًا لين يصير ما كأنه يوم كان موجود

بس فيه ناس على الحلوة و المرة.. ناس يخافون عليك أكثر منك 

هذولا الله يكثرهم في حياتنا و يخليهم لنا 

٤- دع ما يريبك إلى مالا يريبك

دايم خليك في السيف سايد وخليك واضح و صريح من البداية

لا تكذب ولا تلف وتدور ولا تقول نص الحقيقة

الراحة النفسية اللي تجي مع الصدق بالنسبه لي مالها ثمن

في كل حياتكم خليكم صادقين و صريحين

٥- جمالُ الروح ذاك هو الجمال 

كثير ناس إذا بيوصفون لك أحد ما تعرفه ما يتكلمون عن شخصيته أو أخلاقه

يوصفون الشكل الخارجي!

الإهتمام بالمظاهر غريب ! وأنا كنت كمان أحكم على الناس من شكلهم وكنت أحب أتعرف في الجامعة على البنات المرتبين ..بس كثير منهم طلعوا “من برى الله الله …” لذلك الآن  الشكل آخر شي ممكن أفكر فيه إذا قدامي شخص يضيف لي و يفيدني.. أو شخص يقدرني و يعزني

٦- العالم بيقولك لا كثير .. لا تحزن

يمكن يقولك لا لأنك لسى صغير أو منت جاهز أو تستاهل أحسن من اللي طلبته

٧- خيرة الله دائمًا أجمل 

دائمًا لمن كنت أقول لبابا شي بسويه أو نفسي فيه يقولي ” الله يكتب اللي فيه الخير” 

و لسبب ما أعرفه كانت هذي الجملة تزعلني

كنت أحسبه يقول كذا عشان ما بيجيب لي اللي طلبته! أو ما بيوافق لي .. و كمان كنت أخاف إنه الخيرة تكون في صرف هذا الشيء عني

لكن آمنت بجمال أقدار الله لمن حاربت بمعنى كلمة حاربت على وظيفة إدارية في مستشفى من ٨-٥

وجدًا زعلت إنها ما جاتني.. و رجعت حاولت أكثر من مره و كل مره كان يصير شي وتروح الوظيفة

و الحمدلله طلع قدري إني أتوظف في جامعة الملك عبدالعزيز كمحاضرة للغة الإنجليزية

لو وقتها أحد قال لي اصبري بتجيك وظيفة أحسن كان مستحيل أصدق لأنها كانت في نظري أفضل وظيفة

٨- إنت تقرر فين تبغى تكون في هذي الحياة

إنت اللي تحدد إذا تبغى تكون مهم؟ نافع؟ محبَط/محبِط؟ عاله على الآخرين؟ إتكالي؟ مستقل؟ ناجح؟ فاشل؟

٩- لا تلوم أحد على أي شيء يصير لك

لا تلوم الناس ولا الظروف على أي شيء يصير لك في حياتك

الأستاذة نقصتني ولا كان مفروض معدلي يكون أحسن

أختي جابت فيلم وسهرنا ولا والله كنت بذاكر للإختبار

ماما قالت لازم أجي معاها السوق ما مداني

اللي سوت لي المقابلة الوظيفية نفسيه ولا أنا بدعت

الناس مستقعدين لي في الوظيفة ولا أنا أبغى اشتغل!

STOP IT NOW

كل شيء يصير لك تعلم منه.. شوف فين غلطت وفين انغلط عليك .. 

لا تكون سلبي و تستنى كل شي يصلح نفسه

١٠- دائمًا ركز على الهدف

هدفي المعدل؟

هدفي التخرج؟

هدفي أخلص البحث؟

هدفي أنظف البيت؟

هدفي أسعد أهلي/صاحبتي؟

و كملوا المهمة للأخير وانتوا غاضين النظر عن كل منغص ممكن يعرقلكم..

١١-القرب من الله :فوز و غنيمة ونجــاه

عمري ما ندمت على صلاة وتر صليتها 

و عمري ما فقدت أثر الصدقة الفوري في يومي

و أبدًا ما خذلني فعل الخير للناس

من يفعل الخير لا يعدم جوازيه

لايذهب العرف بين الله والناس

١٢-إحساس الخوف مزعج

تعلمت إني قد ما أقدر ما أخليه يسيطر على إحساسي

في الجامعة كنت ما آحب أسوي برزنتيشن بس كنت أحس إني لو وقفت بدال اللي تتكلم بكون أحسن منها!

واجهت الخوف و وقفت.. صح أول مره جبت العيد و ضحكت أكثر مما تكلمت و انخسفت درجتي بس عادي كتجربة أولى كنت مبسوطة بنفسي

و اليوم الحمدلله أنا مدربة معتمدة باللغة العربية في التدريب و التطوير من المعهد الفني للتدريب

و مدربة معتمدة باللغة الإنجليزية من كيمبردج 

١٣-الثقافة تقرّب مننا الناس الصح

من وقت ما مشيت على مبدأ “يجب أن أعرف شيء عن كل شيء و كل شيء عن تعلم اللغات و تدريسها” و صرت أقرأ و أطلع على مختلف العلوم والأخبار 

صرت ألقى كلام أقوله مع الناس المثقفه و الراقيه وصرت أجذب لحياتي ناس إيجابيه منفتحه للعلم و الحياة

١٤- القراءة تعلمني أكثر من أي شي ثاني

كل المعلومات اللي أخذتها من الكتب مازالت في بالي ومانسيتها..

كل الشعر اللي حفظته من الكتب ما نسيته

١٥- مافي فايدة من التظاهر بإني أصغر!

استغرب من ناس يصغرون نفسهم و يتظاهرون بعمر غير عمرهم!

أحس كأنهم يلغون سنين من حياتهم!

العمر هو زمن إحنا ماشيين فيه.. مو إنجاز إن الواحد عمره ٤٥ ولا فخر إن الواحد عمره ١٩!

الإنجاز هو لمن يصير عمرك مثلًا ٣٠ ارجع لحياتك ورى و شوف هل أنجزت فيها ما تستحقه فعلًا؟ ولا تخاذلت!

١٦- القلق يضخم الأمور

أحيانًا يكون فيه موضوع بسيط محد يلتفت له بس لأني أقلق بزيادة أتخيله صار قضية دوليه..

و فالنهاية ما استفيد أي شي من قلقي! حتى تفكير سليم وقت القلق ما أقدر أفكر

١٧-ما أحب أحس إني مقيده

و أكبر عدو لي في هذا الخصوص هو التسويف

لمن أسوف أحس إني مقيده ورايه شغل! 

عشان كذا تعلمت أسوي قائمة بالمهام كلها و أحدد أهمها عشان أحس إني حره أول ما أخلصهم

١٨- الوحدة حلوه أحيانًا!

كنت زمان أحس الحياة ما تحلى إلا مع الناس

بس طلعت غلطانه.. ممتع جدًا إنك تكتشف مدينة ما لحالك.. تتفرج لحالك.. تتسوق لحالك و حتى تروح مطعم و تاكل أو تتقهوى لحالك

الموضوع فعلًا ممتع و يستاهل التجربة

بس انتبهوا لا تدمنونه

١٩- لا تفكر كثير إن الناس تغار منك

مو كل تصرف يضايقك من الناس معناته إنهم يغارون منك ويكرهون نجاحك!

لا تسوي لنفسك هاله و تحبس نفسك فيها

التصرفات السيئة تحتمل أسباب كثيرة

مو شرط إنه كلها غيره! لأنه لو حطيت كذا ببالك بدون ما تحس بيصيبك الغرور، وبتوقف إنك تتطور أكثر لأنك بتؤمن إنك أحسن واحد فالحياة!

٢٠- كل عيوبي قابلة للتعديل

الموضوع بس يحتاج عزيمة و إرادة حقيقية

٢١- باقي لي عشرة سنين عشان أقول “ربي أوزعني أن أشكر نعمتك التي أنعمت علي و على والديّ و أن أعمل صالحًا ترضاه ..” بس من الآن متحمسه أقولها 

٢١- تعلمت أحب نفسي 

جلد الذات عندي كان جدًا يمنعني إني أسوي شي أو حتى أتحسن .. كنت كثير أرسل لنفسي رسايل إحباط

كنت أقدم خدمة الناس على نفسي..

كنت فاشلة في استغلال قدراتي و التخطيط ليومي فسمحت للكل إنه يستغل هذي القدرات و يستخدمها 

بس تعلمت إني لو ما حبيت نفسي و رضيت عنها محد بيتقبلني 

لذلك عرفت أقول لا ..

ما أقولكم إني صرت master بس الموضوع في تحسن مستمر

 tumblr_n7p0bvKwsc1r4jb1do2_400

٢٢-آكل اللي يعجبني و ألبس اللي يعجبني برضه

مو لازم أتبع ستايل أحد .. ما أرتاح إلا لتنسيقي و طريقتي و صدقوني مره مو لازم تعجب كل أحد <ارجعوا للنقطة رقم ١ 

٢٣-الناس السلبية ترسل ذبذبات مزعجة

عشان كذا أحاول أبعد عنهم قد ما أقدر..

وكمان ما أشاركهم الحكايات اللي تهمني لأنهم بيطلعون لي فيها شي سيء 

٢٤- “يقولون مالا يفعلون”

كنت استغرب من كمية الحكم و العبارات الحلوة اللي مليانه خلق نبيل المنتشرة في كل وسائل التواصل الإجتماعي ..و كنت اسأل إذا كل الناس هذي مبادئها أجل مين الناس اللي نشوفهم في حياتنا؟؟

و تعلمت لاحقًا إن الناس يقولون مالايفعلون

٢٥-أنا قدوة كثير من البنات

و هذا من أسعد و أجمل الأشياء اللي صارت لي و تصير لي..

لمن يجي أحد يقولي إنتِ قدوتي و أنا أحاول أصير زيك و هدفي أكون ناجحة كنجاحك.. من جد هذي من أكثر الأشياء اللي تخليني أحاول قد ما أقدر إني أتطور

٢٦- كل مشكلة في الحياة تعدي ..

مو لازم يكون لها حل، بس يمكن نتعود عليها و نتأقلم مع فكرة وجودها 

فالله لا يكلف نفسًا إلا وسعها..

٢٧-الناس اللي تساعدني لها مكان خاص في قلبي

ما أقدر أنساها ولا أزعل منها 

٢٨- تعلمت إني أقدر أبدع لو حبيت الشيء

و لو ما حبيته أرفضه على طول 

٢٩- الأكل متعه بس مو هوايه

و هذا درس تعلمته متأخر .. 

لأنه إلى وقتٍ ما كان الأكل بالنسبه لي تسليه ..

الناس تطفش تروح تتفرج أو تقزأ.. أنا كنت أروح آكل -ـــ-

٣٠- الدنيا دواره

كل شي نسويه بيرجع لنا يوم

إن خيرًا فخير و إن شرًا فشر

فالنهاية.. الله يمد أعمارنا على طاعة الله بالصحة و العافيه و يبارك لنا فيما بقي و يغفر لنا ماقد مضى 

و كل سنه و أنا أتفزلك على راسكم 

فتّكوا بعافيه

Teaching and Learning ENGLISH

How to Improve your Academic Writing Skills

كيفية تطوير مهارات الكتابة باللغة الإنجليزية عمومًا .. و الكتابة الأكاديمية خصوصًا.

قبل كم يوم كنت ضيفة في سناب سعوديون في بريطانيا و تكلمنا عن طرق تساعدك في تطوير و تنمية مهارات الكتابة الأكاديمية في اللغة الإنجليزية.

هذا سنابهم : @saudi.uk

و هذي قناتهم في اليوتوب: https://www.youtube.com/channel/UCayR41Y4RBHdWeBpoA0v8PQ

الموضوع يهم الطلاب عمومًا و الموظفين و كل شخص يحتاج يكتب إيميلات و رسائل in a formal way

فهنا بيكون ملخص لكلامنا و مرجع لكم ..

١- اعرفوا الهدف من كتابتكم عن طريق إجابة الأسئلة التالية:

  • Who are you writing for?

  • What are you trying to achieve?

  • What does your reader want?

لأنه كل مشرف أو أستاذ يطلب منك شي معين .. فلازم أول شي تعرف إيش مطلوب منك و على أساسه تبدأ..

٢- خطط لموضوعك ..

الخريطة الذهنية دائمًا هي الحل

ارسم خريطة ذهنية لأفكارك وتفرع من الفكرة العامة للأفكار الجانبية و من كل فكرة طلع كم سهم للأمثلة و الأدلة و الشرح

مثال :

Basic-Mind-Map-Structuremindmap

في الخريطة الذهنية أو في تخطيطك عمومًا جاوب على الأسئلة التالية:

  • What ideas are you going to include?

  • What ideas are you going to leave out?

  • How are you going to organize your ideas?

و إنت تجاوب على السؤال الثاني وتقرر إيش الأفكار اللي تبغى تكتبها حط في بالك شيئين مهمين جدًا

  • Think about your goal.

  • Think about your readers need

٣- رتب أفكارك into clear paragraphs

بمعنى إنه لازم كل برقراف يحتوي على فكرة رئيسية واحدة

هذي الفكرة الرئيسية لا تحاول تحشرها كلها في برقراف واحد هي و أمثلتها و أدلتها و شرحها.. قسم الفكرة إلي ٢-٣ برقرافات حسب عدد الكلمات المطلوب منك

و عمومًا مافي عدد معين من الكلمات لكل برقراف برضه يعتمد حسب المطلوب منك .. هل هو واجب من ٢٠٠ كلمة أو بحث من ٣٠٠٠ كلمة

٤- اختصر 

eat empty words and sentences

قلل عدد الكلمات قد ما تقدر

لا تخلي هاجس الوصول لعدد الكلمات المطلوب يشغلك عن جودة أفكارك و صحة كتابتك

مثلًا  بدال ما تكتب … اكتب:

very tired –> exhausted

As a result –> consequently

could,might may X حاولوا تقللون منها قدر الإمكان لأنها تضعف كتابتكم

advantages and disadvsntages for this –> Two sides to this issue are …

Don’t -I’m –> Do not – I am ( avoid contradiction )

There is +there are X

There are two sides to this issue –> Two sides to this issue …

Exaggerating words: 

Very hard –> difficult

really controversial –> controversial

Passive voice –> active voice

صيغة المبني للمجهول خاصة لو كثرت تضعف مستوى كتابتك لذلك حاول تتفاداها

weak verbs –> strong vers

made and objection –> objected

و هذي النقطة بالتحديد ما نقدر نطورها و نعدلها إلا بتعلم المزيد من الكلمات و زيادة حصيلة الـvocabulary

لأنه استخدام الأفعال الضيعفة عشان نوصل المعنى دليل على ضعف لغتنا و افتقارنا لمعرفة الكلمات المناسبة للتعبير.

٥- ركز على الهدف 

لذلك دائمًا يقولون keep it simple

عشان ما تضيع ولا تضيّع القارئ

ركز على هدفك من الرايتنق و هدفك من البرقراف و هدفك من المثال

لا تطول الجمل .. البعض يحاول يخلي جمله advanced وبالتالي يظيح في فخ الـ run-on

هنا فيه شرح واضح لمعنى الـ run-on

0fdd0283-f753-4253-8687-46f734a946f2_runon1.png

٦- دائمًا خلي عندك كولكشن جاهز من الـphrases +linking words 

احفظهم زي اسمك و علقهم في كل مكان عشان يسهل استخدامهم عليك

هذي أهم الموضوعات اللي تحتاج لها فريزز و كلمات ربط

Compare-contrast- give examples- give your opinion- generalise- express certainty- express partial agreement- show cause- show effect- mark time- add information- express condition- conclude

عندي كلمات جاهزه لكن صدقوني لو بحثتوا عنها و جمعتوها بنفسكم عمركم ما بتنسونها و بتستفيدون أكثر من لو لقيتوها جاهزه

7- Read the right materials

لا تقرأ والسلام! يروح يومك كله و إنت تجمع تجمع في المصادر وما يمديك تقرأ إلا مقالات ما تحتاجها

لذلك مهم جدًا تعرف موضوعك و هدفك من الكتابة و تركز على المصادر اللي تنفعك

شوف الناس اللي كاتبين في نفس موضوعك كيف كتبوا ؟

على إيش ركزوا؟

كيف قسموا الموضوع ؟

كم احتاجوا عينه أو دليل في دراستهم؟

قراءة المقالات أفضل بالنسبة لي من قراءة الكتب لأنها تعلمك كثير و تفيدك

الكتب كمان مهمه وفيها معلومات كثيرة ومن ناس غالبًا لهم خبرة طويلة

٨- تدرب – تدرب -تدرب

ماقدر أقولكم التدرب على الكتابة و ممارسته كيف مهمه جدًا..

مهما قرأتوا موضوعي أو عشرين واحد زيه ما حيكون فيه فايدة أبدًا لو ما كتبتوا بيدكم و بحثتوا وغلطتوا ألف مره لين توصلون للمستوى اللي يرضيكم

التدرب و الممارسة أولًا و أخيرًا هي مفتاح النجاح في كل مهارة

٩- راجع كتابتك

بعد ماتخلص اترك اللاب توب يومين أو ساعتين .. خذ بريك أو سوي أي شي بعيد تمامًا عن الموضوع اللي كتبته

و ارجع بعدها راجع اللي كتبته.. بتلقى أخطاء بسيطة سواءًا نحويه أ إملائية ..لا تعدلها أول بأول .. ظللها بس و كمل عشان لا تقطع حبل أفكارك و بعدين ارجع رتبهم كلهم وصححهم مرة وحده

١٠- اطلب من شخص آخر قراءة عملك

Proofread your work

ممكن ترسله لناس مختصة أو ممكن تعطيه لشخص من معارفك تثق بقوة لغته..

و هذا أبدًا مو دليل إنك ضعيف أو هو أحسن منك! دائمًا نحتاج fresh eyes عشان تقيم عملنا  لأنها بتشوف أشياء إحنا غفلنا عنها تمااااماً ..

أتذكر دكتوري في مرحلة الماجستير لمن انهرت تمامًا من جملة (You are not ready yet for Masters) على أول واجب تجريبي انطلب مننا ،لأني ما راجعته ولا خليت أحد يراجعه، قال لي أنا لمن أكتب بحث أو أسوي دراسة أو حتى أكتب مقالة عادية لازم أخليها كم يوم و أرجع أراجعها و أطلع منها أخطاء كثيرة وبعد ما أخلص أرسلها لزميل لي أنا أراجع له وهو يراجع لي .. وقتها أعتمد العمل و أرسله 

حتى في العمل أول ما بدأت كان شغلي يتطلب مني إني أرسل أقل شي إيميلين يوميًا لناس تتكلم اللغة الإنجليزية بطلاقة و بعضهم الإنجليزية هي لغتهم الأم، فكنت أخاف أكتب شي غلط و دائمًا بعد ما أخلص أطلب من صاحبتي تراجع كتابتي و وقتها أعتمدها 

١١- أخيرًا ..

هنا بعض المراجع و المواقع اللي ممكن تفيدكم بإذن الله

طرق فعالة لتفادي الـ run-on sentences

1- https://academicguides.waldenu.edu/writingcenter/grammar/runonsentences

Academic Phrasebank

1- http://www.tina-freyburg.eu/1/135/resources/document_1053_1.pdf

2- https://www.maailmakeeled.ut.ee/sites/default/files/fl/linking_words_and_phrases.pdf

How to improve your Academic writing skills

1- http://www.proofreadingservices.us/academic-writing/

2- http://sydney.edu.au/stuserv/learning_centre/help/styleStructure/style.shtml

هذا المقال مره مره مره مره لا يفوتكم ممتع جدًا و مفيد جداً جدًا

https://www.enchantingmarketing.com/how-to-improve-writing-skills/

Benden bu Kadar 👋